حمودة مهاجما عمرو مصطفى: "مش ملحن.. ميعرفش يغني حرف من الأغاني بتاعتي"
الفنان الشعبي عبد الباسط حمودة
شن الفنان الشعبي عبدالباسط حمودة، هجومًا حادًا على الفنان والملحن عمرو مصطفى، بعد وصف المخرجة إيناس الدغيدي له، بأنه من أهم الملحنين في مصر، رد قائلًا: "ده فين الكلام ده، مين اللي قال كده"، موضحًا أن مصطفى رغم أنه "ابن منطقته"، إلا أنه هاجمه بعد أغنية "أنا مش عارفني"، وذلك خلال حواره في برنامج "شيخ الحارة والجريئة"، الذي يُعرض على شاشة "القاهرة والناس".
وأضاف "حمودة"، أن عمرو مصطفى، لا يستطيع غناء حرف من أغنية "أنا مش عارفني"، ولا يستطيع تلحينها، "يطلع يقول عليا أنا وحش، هو يعني أغانيه هو اللي حلوه، لو عرض عليا يلحن أغنية من الأغاني بتاعتي هرفض طبعا ومش هوافق، مش هيعرف يعمل اللي أنا عاوزه، أنا بحبه بس عشان ابن حتتي".
وعن رسالة يوجهها إلى عمرو مصطفى: "لو قابلته هقوله خد تعالى هقولك حاجة، أنت بتتكلم علينا كده ليه، ده مش ملحن ده بيمسك جيتار بيعلب عليه وخلاص، وشيرين عبدالوهاب قالت عليه كده، أنا معلم وهو ميعرفش يعمل مزيكا ليا، لما ييجي يتكلم عليا يتكلم كويس، ميتكلمش وحش، هو ميعرفش يقول حرف من أغانيا".