فيديو.. "مصر تستطيع" في تقرير عن أزمة كورونا: "المصريين ملوك الجدعنة"
الإعلامي أحمد فايق
عرض برنامج "مصر تستطيع"، الذي يذاع على شاشة "Dmc" تقريرا لشهامة وجدعنة المصريين خلال أزمة انتشار أزمة كورونا.
وقال الإعلامي أحمد فايق خلال التقرير: "سمعنا وشوفنا قصص للي عاوز يطرد جاره علشان مصاب بكورونا واللي رافض يبيع ويشتري لأسرة مصابة بكورونا، كوفيد 19 جت اختبار للبشرية كلها علشان تغيرنا كمصريين ولا علشان تكتشف الحلو اللي جوانا؟".
وأضاف فايق عبر التقرير: "يوم واتنين والمعدن الحقيقي طلع، وبقينا مش ملاحقين على الجمال والروعة من المصريين اللي بجد.. في اللي فتح بيته لاستقبال العزل المنزلي، واللي بيلف يوزع كمامات على الناس ببلاش، واللي بيعمل وجبات جاهزة على حسابه ويوزعها على المعزولين منزليا، واللي اتبرع ببلازما الدم، واللي علق على بيته وحذر جيرانه أنه مصاب، واللي بيلف يعقم البيوت في قريته".
وأشاد فايق بالأطباء الذين يقدمون الاستشارات الطبية عبر تطبيق واتس آب أو من خلال مواقع التواصل الاجتماعي، وتابع: "الأطباء والمتخصصين اللي بيقدموا الإستشارات أونلاين وبيحاربوا كورونا أونلاين، واللي بيسلي خالته ويعزفلها كمان في عزلتها.. ولسة كتير وكتير نحكيه في سنين وميخلصش عن جدعنة المصريين.. ممكن الخضة تلخبطهم بس تيجي المحنة توحدهم تاني وتطلع أجمل ما فيهم ربنا يديمها نعمة.. نعمة أنك تكون مصري".