صورة أرشيفية
"عِجل بقري وعليه خروف هدية بـ20 ألف جنيه.. عِجل بقري وعليه جدى هدية بـ18 ألف جنيه.. عِجل جاموس دكر وعليه خروف هدية 20 ألف جنيه.. جاموسة وعليها جدى هدية بـ23 ألف جنيه"، أربعة عروض مغرية أعلنها هشام محمد، صاحب مزرعة لتربية المواشي بمنطقة الزاوية الحمراء، بهدف تنشيط بيع العجول والخراف قبل أيام قليلة من عيد الأضحى المبارك.
لاحظ "هشام" تراجع المبيعات في سوق المواشي، فحاوب تنشيطها بعروض جاذبة لراغبي شراء أضحية هذا العام: "الظروف السنة دي صعبة على الكل، وناس كتير قالوا مش هيضحوا، فقررت أقدم أي مساعدة، وفكرت في العروض دي، وممكن اتنين أو تلاتة يشتركوا ويشتروا مع بعض، هيستفادوا وأنا كمان هستفاد، أحسن من قعدة العجول والخرفان في المزرعة على الفاضي".
منذ 4 أيام فقط أطلق "هشام" عروضه لموسم العيد، وبدأ المواطنون في حجز الأضاحي: "لحد دلوقتي الحجوزات والمبيعات كانت لمجموعات، محدش قادر يتحمل التكلفة لوحده، بيشتروا ويقسّموا مع بعض بمعرفتهم".
ويحرص "هشام" على تغذية المواشي بطريقة صحية وسليمة، كما يهتم بتعقيم المزرعة باستمرار: "العروض مستمرة لحد آخر أيام العيد، لأن ناس كتير من أصحاب الخير بيشتروا في آخر وقت، وبيوزعوا على الأسر الفقيرة"، كما يبيع صاحب المزرعة بنظام "القطاعي"، حيث يوفر أعداداً من المواشي ويذبحها داخل المزرعة، ويصل سعر كيلو "الكندوز" إلى 110 جنيهات، و"الضاني" 99 جنيهاً.
تعليقات الفيسبوك