يوسف شعبان يكشف سر زواجه من الأميرة فوزية وتسميته ابنته «سيناء»
الفنان يوسف شعبان
قال الفنان يوسف شعبان، إن سبب تسمية ابنته سيناء بهذا الاسم، أنها كانت من العائلة المالكة؛ إذ كانت بنت الأميرة فوزية، مشيرا إلى أن زواجه من الأخيرة جاء عن طريق الصدفة: «في البداية مكنتش اعرف دي مين، وكنت اتعرفت على بنت كويسة ودماغها كانت حلوة من الجامعة الأمريكية كنت في حفلة هناك، لما شوفتها واتكلمت معاها عجبتني وعرضت عليها الجواز وقتها وكنت شاب صغير وساعتها كان ردها عليا أفكر».
الفروق بيني والأميرة فوزية كانت واسعة للغاية
وأضاف «شعبان» خلال حوار سابق له، على فضائية صدي البلد: «لما هيا قالتلي أفكر كان الغرور بتاع الشباب وأخدني، وقولت مين دي علشان تقولي أفكر، وبعد كده بدأنا نتكلم ولما عرفت أنها من العائلة المالكة حمدت ربنا إني ما أقدمتش بجدية على الحكاية دي؛ لأن الناس دي هيا متربية في قصور وأنا متربي في شبرا وحواريها يعني الفروق بينا كانت واسعة للغاية، لكن ربنا أراد واتجوزنا وخلفت سيناء منها».
سميت بنتي سيناء علشان الناس اللي كانت بتهاجم العائلة المالكة
وأوضح يوسف شعبان: «فكرت في اسم سيناء؛ لأن وقتها كانت العائلة المالكة تهاجم بأنها ليست مصرية، هم ألبان من سلالة محمد علي باشا، وقتها حسيت أنهم أولى أن يكونوا حكام مصر؛ لأن محدش عمل اللي عمله محمد علي في التاريخ؛ كله فهو باني مصر الحديثة، علشان كده سميت بنتي اسم سيناء أقدم من الناس اللي كانت بتهاجم العائلة المالكة علشان ميقولوش أنها واردة علينا من بره».