خالد الصاوي: استأذنت من مراتي عشان أبص على البنات في البحر
الصاوي يشارك في بطولة مسلسل «القاهرة: كابول» المقرر عرضه في رمضان
خالد الصاوي
روى الفنان خالد الصاوي أحد المواقف الطريفة مع زوجته، قائلا: «عمري ما بعاكس بنت.. بس بتفرج، وأول لما اتجوزت كنت ملتزم بس أول لما روحنا شاطئ في أسبانيا في منتهى الحقارة جبت النضارة السودة وقعدت اتفرج، بس ضميري قالي مينفعش، فقولت لمراتي معلش يا حبيتي أنا هتفرج، قالتلي لا طبعا عادي دي حاجات جميلة، قولتلها خلاص نتفرج بشكل عام، فقعدت تشاورلي على بنات أنا مبحبهاش، قولتلها كدة تسوحيني وتضيعي الفرجة عليا وأنا جي أقولك بحسن نية».
وعن علاقته بالمدرسة، أوضح «الصاوي»، خلال لقاء ببرنامج «سهرانين»، المذاع على شاشة فضائية «on»، ويقدمه الفنان أمير كرارة،: «لو أنا من 15 سنة وقولتلك مصر ممكن تبقى دولة كبرى؟ كان هيبقى بعيد أوي، فيه ناس كتير هتقول لأ مش هنبقى دولة كبرى ولا 100 سنة، النهاردة ممكن تقدر تفكر التفكير ده، بس ده طبعا مكنش هيحصلك وأنت قاعد في البيت، فكان لازم الناس تغير من حياتها وتدفع تضحيات معينة وتغلط وتصلح أخطائها وفي الآخر دي بلدنا وبنحبها».
يذكر أن الفنان خالد الصاوي يشارك في بطولة مسلسل «القاهرة: كابول» المقرر عرضه في رمضان المقبل، والذي أوشك على الانتهاء من تصوير دوره فيه، مؤكداً أن العمل يتعرض لظاهرة الإرهاب التي استشرت في مجتمعاتنا العربية خلال الأعوام الأخيرة، بحسب قوله.
ويشارك في بطولة «القاهرة: كابول» طارق لطفي، فتحي عبدالوهاب، حنان مطاوع، نبيل الحلفاوي، معتز هشام، حسني شتا، خالد كمال، كريم سرور وكوكبة من النجوم، من تأليف عبدالرحيم كمال وإخراج حسام علي.