لم تشفع له إعاقته الحركية عند «السارق العجوز»، الذى استغل عدم قدرته علي السير بشكل طبيعي وسرق سيارته التي اشتراها قبل عدة أشهر ليعمل عليها بعد إصابته في حادث قطار تسبب فى بتر قدمه اليسري، ليقرر محمد إبراهيم 38 سنة من محافظة المنوفية، اللجوء لوالده لمساعدته في بدء مشروعه الخاص «التاكسى» الذى يكفل له الإنفاق علي أطفاله الصغار.
معاناة كبيرة لشراء السيارة
وبعد معاناة كبيرة للحصول على مبلغ شراء السيارة، تمكن «محمد» من شراءها في شهر أكتوبر الماضي، ومع بدء تحسن أحواله تعرضت لسرقة السيارة، ما جعله يشعر بخيبة أمل كبيرة، فهو لايملك أموالا لتعويضها ولا يملك القدرة الحركية علي العمل في مجال آخر، وأصبح أيضا بدون مصدر رزق له ولأطفاله.
تفاصيل ما حدث
يقول أحمد إبراهيم شقيق «محمد»: إن الشخص الذى قام بسرقة السيارة اتصل بشقيقه أول أمس لتوصيله من منطقة قليوب إلي محافظة الجيزة، على أن يبقى برفقته طوال اليوم، وبالفعل ذهب معه «محمد» دون أن يدري أنه سيعود إلي المنزل بدون سيارته: «أخويا حاطط رقمه علي ابلكيشن توصيل مشهور، ده غير إنه حاطط برضه الرقم على كذا جروب، بيحاول يسترزق يعني، جاله اتصال من واحد قاله هتيجي معايا من قليوب للجيزة، وهديك اللي تقول عليه».
ذهب محمد في الموعد المحدد مسبقا، ووصل إلي الرجل مع دقات الثامنة صباحا، وذهب بهذا الرجل إلي محافظة الجيزة، وتجول في عدة أماكن هناك، وانتهي الأمر في المساء عندما طلب من «محمد» التوقف أمام أحد معامل التحاليل في منطقة فيصل، حيث طلب منه «العجوز»، النزول وإحضار نتيجة التحاليل بدعوي عدم قدرته علي الحركة: «راجل عجوز وماشي بعكاز، صعب علي اخويا، لأنه طول الطريق كان بيقوله أنت يابني عاجز وأنا زيك، وفي آخر اليوم كان خلاص صعب علي اخويا واعتبره زي ابوه، ولما قاله انزل هاتلي نتيجة التحليل نزل فعلا، وجه ياخد المفتاح، الراجل ده قاله لا سيبه علشان القرآن اللي في الراديو يفضل شغال، أنا عايز أسمع قرآن بلاش تقفله، طبعا اخويا كان مأمن جدا للراجل علشان سنه كبيره، وكمان معاق هو كمان ونزل وطلع المعمل ملقاش الإسم اللي الراجل قاله عليه».
وعلى الفور نزل الشاب بعدما تملك الشك منه في الأمر ليجد أن هذا العجوز قام بسرقة السيارة، وفر هاربا: «إحنا جايبين له عربية معاقين يشتغل عليها علشان مكنش لاقي شغل، بسبب البتر اللي في رجله، لأن وقع من القطار قبل كده، ورجله انقطعت، صعب علي ابويا بعد ما لاقاه بيشتغل علي توكتوك وبيتعب، فجاب له العربية دي ما جمع فلوسها بالعافية، ومات بعد ما اشتراها بشهر واحد بس، ودلوقتي العربية اتسرقت وهو بيبكي لأنه مش عارف يعمل ايه وحالته النفسية من وقتها وحشه».
تعليقات الفيسبوك