مؤدي المهرجانات حمو بيكا - أرشيفية
بعد ظهور نتيجة الثانوية العامة، تعرض مؤدي المهرجانات حمو بيكا للتنمر بسبب عدم حصوله على شهادة الثانوية العامة، وذلك بعد تهنئته لناجحين في الثانوية عبر صفحته الشخصية على موقع التواصل الاجتماعي «فيس بوك»، وبعد الهجوم، خرج مجددًا بتصريح جديد عبر صفحته قائلًا أن أشقاءه وأقاربه يقرأون له ويكتبون بدلًا منه.
ونشر حمو بيكا ردًا على الهجوم قائلًا: «طب وإيه يعني عندي أخواتي وقرايبي بيقرولي وبيكتبولي اللي أنا عايزه ؟.. ببساطة محدش فينا اتولد عارف كل حاجة، كلنا كنا مغيبين عن كل حاجة وكلنا جهلة.. الدكتور جاهل عن المحاماة والمحامي جاهل عن المحاسبة والمحاسب جاهل عن المهندس، الكمال لله وحده ، محدش كامل».
واستكمل مؤدي المهرجانات منشوره، مؤكدًا أنه لم ينل شرف التعلم والقراءة والكتابة، لكنه نال شرف العمل: «وزي ما قولت أنا مانولتش شرف التعليم بس اتعلمت إزاي أشتغل وأشيل مسؤولية، اتعلمت إزاي أشقى من صغري ومقولش لحد أديني، زي ما أنا اتعلمت حاجات كتير جداً في الحياة، أنت يا متعلم هتفضل جاهل بيها، فإن حد يكتبلي أو يقرأ لي دي حاجة متخصش حد في الدنيا، صباحكم فل وجمعه مباركة عليكم جميعاً».
وهنأ حمو بيكا عبر «فيس بوك» طلاب الثانوية العامة بعد إعلان النتيجة قائلًا: «ألف مليون مبروك لإخواتي وحبايبي اللي نجحو في الثانوية العامة.. وإن شاء الله تحققوا كل أحلامكم، وهاردلك لكل اللي منجحوش، قدامكم لسه بدل الفرصة ألف فرصة تعوضوا وتحققوا كل اللي بتتمنوه».
وبعد التنمر على تهنئة حمو بيكا، رد على تعليق وصفه بأنه لا يستطيع القراءة أو الكتابة، قائلًا: «ما تخليك في هندسنتك يا بمشهندس وتروح تشوفلك شغلانه بدل ما أنت قاعد فاضي عالنت كده داير تتريق على خلق الله».
تعليقات الفيسبوك