حسام محمد حسن
قال حسام محمد حسن، بطل الجمهورية في الكيك بوكس، أحد المتعافين من الإدمان، إن سبب دخوله في مجال الإدمان ظروف نفسية، واندفاع وحماس زائد كان يعانيه خلال عمر الـ16 عاما: «أول ما جربته كان حب استطلاع وعجبني الموضوع، وبقيت بشرب مرة كل أسبوع، لحد ما وقعت في فخ الإدمان».
وأضاف «حسن»، خلال استضافته ببرنامج «مساء DMC»، الذي يقدمه الإعلامي رامي رضوان، والمذاع على فضائية «DMC»، أمس الأربعاء، أنه كان يعمل بمجال المعمار وكان بين أصدقائه ينتشر ما يسمي بـ«المادة الوسط»، التي كانت تحفزه على العمل: «واحدة واحدة لقيت مر عليا 6 سنين، ولقيت إن المادة دي مش جايبه معايا ودوست أكتر، وأول مرة أحاول أبطل فيها قبل الزواج بسنة واحدة وحبست نفسي في بيتي 10 أيام».
وأوضح بطل الجمهورية في الكيك بوكس، أن سبب لجوءه إلى صندوق علاج الإدمان، هو دخوله في الإدمان بالمواد الشديدة، التي كان من الصعب العلاج منها بواسطة زوجته أو والده: «مراتي قالتلي أنت بقيت مكتئب كتير وبقيت بتقعد لوحدك كتير، واللي دلني على العلاج مدمن، دلني على الصندوق للعلاج لكن هو متعالجش لحد دلوقتي، ومش بتواصل معاه علشان مرجعش تاني، ومركز العزيمة لعلاج الإدمان قدملي الحياة».
وأكد حسام حسن، أنه كان يتعاطى المخدرات منذ أكثر من 19 عامًا، وتعافي منها تمامًا منذ 6 أشهر و10 أيام، وعانى من آثار ومشكلات صحية جمة بسبب الإدمان، موضحًا أنه حاول العلاج بنفسه لكنه فشل في البداية الأمر، ونصحه الأصدقاء بالاتصال بالخط الساخن لعلاج الإدمان الذين تواصلوا معه على الفور، وقدموا له أوجه الدعم كافة حتى تعافى تمامًا.
وتابع: «أنا لحد دلوقتي مشوفتش أهلي ولا عيالي، وأتمني إن أهلي يسامحوني على اللي عدى، ولحد دلوقتي مشوفتش عيالي أو أهلي، لحد دلوقتي لأني لسه مكملتش التعافي، وممتن لكل الناس اللي وقفوا معايا، فيه ناس كتير رحبت بيا وعملت معايا حجات كتير من غير ما يعرفوني».
تعليقات الفيسبوك