أحمد مصطفى
في لفتة إنسانية حرص شاب من مدينة دمنهور على تقديم الخير بطريقته الخاصة، إذ كتب «بوست» عبر السوشيال ميديا يُعرض مساعدة غير المقتدرين في نقل أي شيء بسيارته بالمجان.
أحمد مصطفى، قال خلال حديثه لـ«الوطن» إن الفكرة خطرت على باله من خلال سيارة النقل التي يستقلها، مضيفا: «قلت ليه ما استغلش حاجه زي كده، وأساعد حد محتاج طالما ربنا كرمني من فضله ليه ما أحاولش أني أكون سبب في مساعدة غير المقتدرين وربنا يقدرني على فعل الخير، وأكون مجرد سبب في جبر خواطر الغلابة».
بدأ اسمه يرتبط بعمل الخير ويذاع صيته بين أهل مدينته، حتى أصبح معروفا بينهم ويتردد عليه الكثير من غير المقتدرين لمساعدتهم عبر السوشيال ميديا:«الناس بتدخل تكلمني وبفرح أوي لما أكون سبب في مساعدة حد والجبر بخاطره، كلنا سبب في سعادة بعض وياريت محدش يبخل في أنه يقدم الخير طالما بامكانه».
«عوض ربنا كبير» بهذه المقولة بدأ أحمد يروي أحد المواقف التي مر بها «كنت بصلح في عربيتي والدنيا ضاقت بيا، ومفيش في جيبي 50 جنيه، وفوجئت باتصال أحد الأشخاص يحتاج إلى مساعدة في نقل شوية بلاط، حطيت بـ50 بنزين للعربية وقوت إحنا الاتنين رزقنا على الله، وربنا كرمني بعدها في شغلي».
بدأت أعمل الخير وربنا بيكرمني من عنده، وبجانب عملي في إصلاح الإطارات المستعملة الخاصة بالسيارات امتلك «دي جي» بساهم بيه في الأفراح وبحاول أبسط الناس بطريقتي وربنا يقدرني على فعل الخير، ليه مفرحش عروسة يتيمة معندهاش إمكانيات بالعكس مش هخسر حاجة ده أنا مجرد سبب في إسعاد الناس، وذلك وفقا لما ذكر على لسان «أحمد».
تعليقات الفيسبوك