وكيل «تعليم الدقهلية»: عملي ميداني 100% وسأعمل على تحسين كفاءة المدارس

قال شريف محمد فتحي، وكيل وزارة التربية والتعليم الجديد بالدقهلية، إن عمله ميداني بشكل عام ولا يفضل الجلوس والبقاء على المكاتب، موضحا أن اهتماماته الأولية هي الطالب ورفع كفاءة المدارس وتطويرها في كل بقعة بمحافظة الدقهلية.

تطوير المنظومة التعليمية بالدقهلية 

وأشار فتحي لـ«الوطن» أنه يسعى من أجل تطوير المنظومة التعليمية في محافظة الدقهلية: «ملفات كثيرة مهمة في التعليم بمحافظة الدقهلية محتاجة العمل عليها بشكل مكثف، لأن المحافظة كبيرة وعدد إداراتها كتير وبالتالي مدارس كثيرة».

زيارات معلنة ومفاجئة علي المدارس بالدقهلية 

وأضاف «هيكون في زيارتين لكل الإدارات زيارة معلنة وزيارة بشكل مفاجئ، عايز اعرف كل ما يخص المدارس علشان نبدأ التطوير الفعلي ونحسن مستوى كل المدارس وكل اللي محتجاه».

العمل ميداني أولويات وكيل وزارة التربية والتعليم بالدقهلية 

وأكد «رفع الكفاءة والاهتمام بالمدارس مهم جدا وسيتم العمل عليها، وعملي من الشارع أنا مش بتاع مكاتب، وهيتم التنبيه علي مديرين الإدارات للعمل بشكل ميداني، مفيش دخول مكاتب قبل الساعة 12».