أحمد عز عن فيلم الممر: "تحملنا تدريبات الصاعقة.. وتجسيدي للضباط صدفة"
أحمد عز
قال النجم أحمد عز، إن الدولة يجب أن تدخل في إنتاج الأفلام من نوعية "الممر"، الذي شارك في بطولته، حتى تمثل مصر في المهرجانات الفنية الدولية المهمة.
وأضاف، خلال مداخلة هاتفية مع الإعلامي أحمد موسى، مقدم برنامج "على مسئوليتي"، عبر شاشة "صدى البلد": "محتاجين الدولة تتدخل في 4 أفلام سنويًا، فيلمين منهم يروحوا للمهرجانات الدولية الكبرى، لأن ده نجاح وقوة ناعمة، والفنان بيبقى سفير مهم جدًا، لو اتحط في الطريق الصحيح".
واستطرد: "لازم نسبق من ناحية الفكر والتنفيذ، ويكون عندنا تقنيات حديثة، عشان يبقى عندنا ريادة، ولازم الشركات تتضافر".
وعن كواليس تصوير فيلم الممر، قال "عز"، إن ضباط وجنود القوات المسلحة، دربوا فريق العمل على كل شيء متصل بالحياة والمعارك العسكرية، مثل تحريك الدبابات والطائرات والتحركات العسكرية: "كلنا كنا على قلب واحد، وكنا عاوزين نعمل حاجة الناس تفخر بها".
وواصل حديثه: "الحماس اللي جوانا خلانا نتحمل تدريبات الصاعقة، وأنا بحب الحاجات دي من أيام فيلم الخلية مع وزارة الداخلية، الموضوع كان شيق، وأنا بحب لما أعمل شخصية أعملها زي ما هي، وبالتالي لازم نعمل معايشة".
كما تطرق إلى تجسيده شخصية ضابط شرطة في أكثر من عمل فني، قائلًا: "مفيش حاجة مرتبة، وجت بالصدفة، وأنا فخور بده".
وعن كواليس التصوير، قال "عز"، إن فريق العمل كان يسافر إلى محافظة السويس، لإجراء معايشة في أحد معسكرات القوات المسلحة، ثم يعودون يومًا، وذلك طوال أول شهر من بداية التصوير، بعدها تم التصوير في مناطق عسكرية في سيناء، كما انتقلوا إلى الصحراء، حيث لم يصطحبوا إلا الماء: "لكن كان في تنظيم وعارفين هنروح فين بشكل كويس، وكنا حابين اللي بنعمل ده".
وواصل: "كنا بنشتغل زي الخواجات، وكنا ملتزمين بمواعيد التصوير، وكل واحد كان عارف هيعمل إيه، بخلاف إن جيشنا بيخلي أي حد متطمن".