بريد الوطن.. يعيش يعيش
الحشيش
ف الكمين قاله الأمين
يلَّه ياض نفض جيوبك
نط منه اتنين جنيه
مالهُمش تالت؟
فين سيجارتك والحشيش؟
قال يا باشا منين؟
دى مالت
الأمين بيقول معاك
إوعى إيده تطول قفاك
شكلها راحت مفيش
لمَّا إيد الظلم طالت
اختفى حتى الحشيش
والحرامى قال آمين
والأمين زى الشاويش
ما تلاقيش
كلنا ف الفقر صحبة
ادعوا ليه بالصقفة يلّا
يعيش يعيش
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com