دينا أحمد تكشف كيف تحول ملامحها لمحمد رمضان: كنت خايفة ومترددة
دينا أحمد تكشف كيف تحول ملامحها لمحمد رمضان: كنت خايفة ومترددة
ظهرت دينا أحمد، جرافيك ديزاينر، ببرنامج "كلام هوانم"، المذاع على شاشة قناة "الحدث اليوم"، بطريقة غير تقليدية، إذ أنها غيرت من ملامح وجهها لتتحول لوجه الفنان محمد رمضان بعد وضعها المكياج، بينما عبرت المذيعة عن اندهاشها من الشبه الكبير بينها وبين الفنان.
وكشفت "دينا" كيفية تحول ملامحها لمحمد رمضان، قائلة: "أنا جرافيك ديزاينر وميكب آرتيست، بس بعمل ميكب عادي، والأجازة اللي فاتت قولت عاوزة ابدأ فكرة مختلفة، ولما أخدت الأجازة بسبب كورونا بدأت في موضوع الشخصيات من شهر ونص، خدت الموضوع فانتزي وقولت هعمل ميكب شخصية فدوى".
وتابعت: "عملت شخصية محمد رمضان وكنت خايفة ومترددة أنزلها، فمتصورتش وقررت أظهر بالميكب دة في جروب بنات، لقيتهم مقابلونيش، فقولتلهم أنا بنت، البنات كلها بدأت تقول إيه دة راجل في الجروب؟ ده محمد رمضان؟، قعدت للصبح مش عاوزيني أقفل عشان يصدقوا".
وواصلت: "البنات قالولي ابعتي لمحمد رمضان، فنزلت استوري على الإنستجرام، وقعدت يومين أو 3 أيام مشفهاش بس كنت واثقة أنه هيشوفها، عدى أسبوع وعملت شخصيات فقالولي لازم تشيريها على الفيس بوك وتوصله، تاني يوم لقيته مشيرها ومصر كلها بتكلمني".
