خالد الصاوي: عضيت كلب عشان عضني.. وعلاقتي بالمدرسة انتهت من أولى حضانة
الصاوي: رتبت لمفاجأة خطوبة بشرى وخفت من رد فعلها
الفنان خالد الصاوي
روى الفنان خالد الصاوي، أحد المواقف الطريفة التي حدثت في طفولته، قائلا إنه في إحدى المرات عض كلبا صغيرا، «دي طبيعتي، ومكنتش بفكر وقتها، أنا اتخلقت كدة، لو عضيتني أعضك، وفي الحقيقة عضيته فعلا، بس هو اللي عضني في الأول وهو اللي إداني الفكرة».
وأضاف «الصاوي» خلال لقاء ببرنامج «سهرانين»، المذاع على شاشة فضائية «on»، ويقدمه الفنان أمير كرارة، «علاقتي بالمدرسة انتهت من أول يوم في أولى حضانة، مفيش عمار بينا، وليه يلبسوني مريلة، مش المفروض الولاد تلبس لبس مختلف عن البنات؟ وليه الطوابير؟ وفي الآخر ندخل في أوضة ضلمة، اللي هي الفصول، أنا بروح مندمج ومبسوط ومستني، وبجري مع أصحابي وفجأة بيجروا ورانا عشان بنعمل شقاوة».
وعن شخصية «نائل» في فيلم «الفيل الأزرق»، قال: «الطريقة اللي اشتغلت بها على الدور ده كان فيه غشومية واستغباء، لأنه مينفعش أنك تقعد كذا يوم صاحي عايز تتفرج عشان عقلك الباطن يشتغل، فتقعد تتفرج على 50 أو 60 لبس على مستوى العالم كله، حتى لو الواحد عارف أنها أمراض نفسية، ولما روحت البلاتوة طلبت أن يكون ليا أوضة أقعد فيها يومين أو تلاتة زي العزل لوحدي، عشان أعيش الجو».
وعن كواليس خطوبة الفنانة بشرى في مهرجان الجونة السينمائي، قال إنه اتفق مع سالم هيكل زوج الفنانة بشرى على عمل مفاجأة لخطوبتها، فى مهرجان الجونة، مستطردا: «سالم صديقي وهو رجل جميل وأفكاره مختلفة».
وأضاف «الصاوي» أنهما ظلا فى مفاوضات لوقت طويل حتى انتهت فى النهاية على عمل مفاجأة بمهرجان الجونة، وتكون دائرة داخل دائرة، وكان متخوفا من رد فعل بشرى، وهنا أكدت بشرى أنها بالتأكيد لم تحرج «سالم» لأنه صديق قبل أى شئ وتعرفه منذ الطفولة.
يذكر أن الفنان خالد الصاوي يشارك في بطولة مسلسل «القاهرة: كابول» المقرر عرضه في رمضان المقبل، والذي أوشك على الانتهاء من تصوير دوره فيه، مؤكداً أن العمل يتعرض لظاهرة الإرهاب التي استشرت في مجتمعاتنا العربية خلال الأعوام الأخيرة، بحسب قوله.
ويشارك في بطولة «القاهرة: كابول» طارق لطفي، فتحي عبدالوهاب، حنان مطاوع، نبيل الحلفاوي، معتز هشام، حسني شتا، خالد كمال، كريم سرور وكوكبة من النجوم، من تأليف عبدالرحيم كمال وإخراج حسام علي.