بريد الوطن.. لحظة جنون
لحظة جنون
قلت له ف لحظة جنون
إما أكون أو لا أكون
قال لى: كونى
خلّى حبك يملا كونى
غرقينى ف بحر عينك
مش هموت لو غرقونى
كونى ضحكى وقت همى
كونى صوت عقلى ف جنونى
كونى حرية وسجون
بس بالله تبعدينى عن شكوكك والظنون
قلت له: لازم أغير
قال لى: غيرى
مين يهمك تانى غيرى
مين هيفرد لك شراعه
وف دماه تجرى تسيرى
إنتى وحدك ساكنة روحى
وانتى سَكَنى وخط سيرى
مستحيل دونك أكون
وحده حبك.. كاف ونون
نجلاء نعيم
يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com