بيج رامي
وجه ممدوح السبيعي الشهير بـ«بيج رامي» الحاصل على المركز الأول عالميا في بطولة مستر أولمبياد 2021، رسالة إلى الشباب الحالم بأن يصبح مثله مستر أولمبيا وأبطال في رياضة كمال الأجسام، وذلك في فيديو نشره على صفحته بموقع «إنستجرام».
وقال بيج رامي في الفيديو إن المدرب جورج فرح علمه دروس وضعها هدفا أمامه وتعلم منها الكثير، متابعا: «عندنا الأمثلة كبيرة جدا، والمدرب جورج فرح لسه بيتكلم في النقطة دي، وأنا اتعلمتها وهو علمني إزاي، وكان بيقولي كلمة، ومتعلقة في ودني لحد دلوقتي».
وأضاف: «قالي إحلم بكل يوم بالبطولة، وإحلم كل يوم بحلمك متعديش يوم من غير ما تكون بتحلم بيه إحلم بجد ونام وإحلم بيه وأنت مصدق إن أنت بترفع الكأس وأنت بتتكلم وسط الناس غاب عنك الحلم يوم ولا اتنين ولا شهر هييجي هييجي، بس هييجي في وقته بس تفضل مصدق إن انت هتوصله مفيش حد ربنا خلقه على وجه الأرض ميقدرش».
ولفت إلى أن الله عز وجل وضع في كل إنسان قدرات: «ربنا خلق الإنسان قادر وإلا مكنش غير الأرض دي كلها ف ربنا حط فينا القدرات إن احنا نوصل لأحسن مكان في الدنيا لكن هو الأصل الأصيل الإنسان نفسه يكون مصدق دة».
واكد أن الموهبة شيء ضروري للإنسان لكن الإرادة هي الأهم، «ناس كتير أصحاب مواهب وإحنا بنشوفهم بعينيا ومكملوش، أنا بتكلم مثلا عن الجيل بتاعنا جيل كمال الأجسام، أحسن ناس موهبة مخدوش مستر أولمبيا لكن الناس اللي كانت إرادتهم أقوى ومصدقين في نفسهم ووصلوا وحققوا نجاحات الناس مكنتش تتخيل إن هما ممكن يوصلولها».
وواصل: «أنا عاوز اختصر الكلام الواحد لازم يكون ظنه الأول في ربنا وفي نفسه إن هو قادر يوصل لأبعد نقطةفي أبعد مكان، احنا والله العظيم ربنا عاطيلنا فرصة إن احنا فعلا ننجز في الأرض ونسيب علامان فكل واحد فينا ميسبش المكان بتاعه ولا يسيب عمره يعدي من غير ما يترك علامة مهمة للناس كلها وربنا يوفق الجميع».
تعليقات الفيسبوك