مصفف شعر يطلق مبادرة لقص الشعر مجانا للأيتام
«لازم كلنا نحس ببعض.. لو مش هقدر أساعد بفلوس أساعد بمجهود، كلنا في مركب واحدة يعني».. بهذه الكلمات بدأ مصفف الشعر أحمد عادل صاحب محل في حي حدائق الزيتون شرق القاهرة بعد إعلانه مبادرة الحلاقة مجانا للأيتام في ظل التحديات الاقتصادية التي يواجهها مختلف الأفراد في مصر في ظل تأثير أزمة جائحة فيروس كورونا المستجد كوفيد 19 والأزمة الروسية الأوكرانية.
وقال عادل لـ«الوطن»، إنه بدأ في هذا المبادرة من يومين بعد أن لاحظ مرور عليه عدة سيدات تسأله عن سر الحلاقة في المكان للطفل موضحًا أن أغلبهن كانت تعلق أنها تريد سعر «مهاود» في ظل التحديات الاقتصادية الموجودة في مصر ومختلف دول العالم.
وواصل عادل: «أنا كمان ناوي أخصص يوم أروح دور أيتام أحلق للبنات والولاد عشان أنا بشتغل من زمان في حلاقة الشعر وهعمل ده لله، أنا مش مقتدر جدا عشان اتبرع بالفلوس لكن هقدر اتبرع بالمجهود بتاعي لأن كلنا واحد، وأنا مش هخسر حاجة ده هيبقى الإجازة بتاعي هروح في دار رعاية للأيتام، أنا نفسي بس أعمل خير لا عاوز شهرة ولا أطلع تريند أنا خايف يكون في أي شبهة رياء والله».
وأشار عادل إلى أنه يدعو كل شخص قادر على فعل الخير أو تقديم خدمة بشكل لا يؤثر على عمله على تنفيذ ذلك في أسرع وقت لأن الجميع يحتاج الجميع.
تعليقات الفيسبوك