ولية أمر تحتفل بابنتها بعد امتحانات الثانوية بالطبل والمزمار: تستاهل تفرح

06:25 م | الخميس 13 يوليو 2023

أيام طويلة شاهدت فيها مدى معاناة ابنتها في الاستعداد لامتحانات الثانوية العامة، فكانت خير رفيق لها خلال رحلتها، وعندما كانت تشاهد انهيار الطالبات بسبب صعوبة الامتحان، أرادت أنّ يكون ختامها مسكًا بالاحتفال بها وأصدقائها بالطبل والمزمار البلدي والدخان الملون.

الاحتفال بانتهاء امتحانات الثانوية العامة

ساعات قليلة استعدت خلالها جيجي بطرس منظمة أفراح ووالدة إحدى الطالبات بالشعبة الأدبية للاحتفال بطالبات الثانوية العامة أمام مدرسة الشهيد شريف حجاج مناع بمحافظة القاهرة، بعد عناء طويل في المذاكرة والامتحانات، لرسم الفرحة والبهجة على وجوههن، «هما تعبوا ويستاهلوا يفرحوا شوفت فيهم بنتي اللي كنت شاهدة معاها على كل خطوة في مشوار الثانوية العامة أهم حاجة انهم ميزعلوش لأي سبب» وفق تعبيرها.

فرحة عارمة سيطرت على طلاب الثانوية العامة، لما شاهدوه من احتفالات تخفف عنهم توتر وضغط الامتحانات، والانتهاء من كابوس الثانوية العامة، «عايزة أشوف الكل فرحان ومبسوط خلاص الامتحانات انتهت وهما عملوا اللي عليهم والباقي على ربنا تعبهم مش هيروح كدا ويستاهلوا الفرحة بانهم خلصوا» هكذا عبرت «جيجي» خلال حديثها لـ«الوطن».

التخلص من كابوس الثانوية العامة

أيام طويلة قضاها طلاب الثانوية العامة، في توتر وضغط ما بين المذاكرة والامتحانات، جعلتهم يحلمون باليوم الذي يكون بمثابة الإفراج عنهم، ومن التخلص من مصطلح الثانوية العامة، «من أول ما خلصنا امتحانات تانية ثانوي، بدأ الرعب بالنسبة لينا من حجز دروس ومذاكرة وامتحانات النهاردة يوم عيد لينا، إحنا معرفناش نفرح بعيد الأضحى، مش قادرة أصدق إني خلصت خلاص من كابوس الثانوية العامة»، وفق حديث سابق روته إحدى الطالبات.