شاب يطلق مبادرة لمساعدة غير القادرين بتوفير لوازم حفلات الزفاف.. ما القصة؟

رغبة فعل الخير بطريقته الخاصة تغلغلت في نفس أحمد رجب، ابن محافظة الإسكندرية، ما دفعه إلى إطلاق مبادرة خيرية لمساعدة غير القادرين، وذلك عبر توفير لوازم الفرح بتكلفة رمزية توفر عليهم الكثير، وتساعدهم على إكمال فرحتهم بأقل مبلغ مالي.

مبادرة لوازم الفرح بتكلفة أقل

مجرد بوست كتبه «أحمد» عبر حسابه الشخصي على منصة التواصل الاجتماعي فيسبوك، ذاع صيته الساعات الماضية. فعلى الرغم من كون هذه المرة الأولى التي يقرر فيها ابن الإسكندرية إطلاق هذا النوع من المبادرات، قال: «أنا لسه عامل الموضوع ده الشهر ده، ومستعد أوفر لأي حد محتاج اللي عاوزه بتكلفة رمزية، بس بشرط أنه يكون من إسكندرية يجي وينورنا ويطلب اللي محتاجه، ودي أقل حاجة أقدر أساعد بيها أهلي وجيراني وربنا يقدرنا على فعل الخير دايمًا، وإحنا بنحاول نساعد بعض»، بحسب حديثه لـ«الوطن».

لم يكن يدرك «أحمد» أن مبادرته ستلقى رواجًا كبيرًا، وكان يأمل أن تصل إلى كافة المحافظات، ولكن لصعوبة التوصيل قرر أن يخدم أهالي محافظته فقط. قال: «لسه حد مكلمني بس كان من القاهرة، وكان نفسي أقدر أساعده، بس للأسف عندي صعوبة في التوصيل، علشان كده مقدرتش أخدمه، بس أي حد قريب مني في إسكندرية أنا ممكن أساعده في أي وقت»، وفقًا لما قاله ابن محافظة الإسكندرية.

جاء محتوى «البوست» الذي كتبه صاحب المبادرة، من أجل مساعدة أكبر عدد ممكن من المقبلين على الزواج على النحو التالي: «معاك فلوس ممكن تكلمني، وبرضه لو مش متوفر تقدر تكلميني، لو سمحتم أنا كهربائيّ فراشة، وعاوز أعمل مبادرة لكل عريس وعروس عايزين يفرحوا ومش متوفر معاه فلوس، أنا عندي شباك وكراسي ودي جي، وكل لوازم الأفراح بأقل سعر، ولو مش معاه برضه، بإذن الله نقدر نفرحه، ربنا ييسر كل أمورنا يا رب».