أهالي أسوان يستقبلون كنده علوش بالزغاريد.. والفنانة: أغسل روحي بزيارتكم كل عام

كتب: بسمة شطا

كشفت الفنانة كنده علوش خلال ندوتها المقامة الآن ضمن فعاليات مهرجان أسوان الدولي لأفلام المرأة في دورته التاسعة، عن السر وراء حبها الشديد لمدينة أسوان، إذ قالت إنها ترى في مدينة أسوان وجهة سياحية سنوية، لابد أن يذهب اليها الجميع، قائلة «أنا جبت ولادي معايا رغم إنهم صغيرين، بس فسحتهم وعرفتهم معالم أسوان وروحنا غرب سهيل والمعابد، ووقعوا في غرام المدينة، وكمان عمرو زوجي جه صور مسلسل جراند أوتيل هنا، فوقع في غرامها ومكنش عايز يرجع».

عملت فرحي في أسوان

وتابعت كندة علوش خلال ندوتها في مهرجان أسوان «اخترنا نعمل فرحنا هنا، وفيه ناس من أهل اسوان لحد دلوقتي لما يقابلوني يقولولي احنا فاكرين فرحك اللي عملتيه هنا من 8 سنين، أنا بشوف إنها فيها طاقة روحانية مش موجودة في أي مكان تاني وكل مرة باجي فيها بتبسط وبزعل أوي، لما بشوف حد من أصدقائي المصريين، وبقولي أنا مروحتش أسوان، ولا روحت مرة واحدة أنا بشوف دا خيانة، إزاي دا مش طقس سنوي زي ما فيه ناس بتطلع الساحل كل سنة كدا مثلا الناس تيجي تغسل روحها وتفصل وتستمتع بالجمال والطبيعة».

أهالي أسوان يستقبلون كنده علوش بالزغاريد

واستقبل أهل أسوان الفنانة كنده علوش في قاعة الندوة بالزغاريد، ترحيبا بها، الأمر الذي جعلها وجهت لهم كلمات خاصة قائلة: «أنا مبسوطة أوي إني دخلت القاعة لقيت كل السيدات دول من أسوان، دي أحلى حاجة حصلت النهاردة، مبسوطة بوجودكم».

• مهرجان أسوان لأفلام المرأة
• مهرجان أسوان
• كندة علوش