بريد الوطن.. ملاك الحب
بريد الوطن
برغم البعد
قلوبنا فيها شىء من بعض
وشيفانا أنا وانت
كأبعد نقطتين ع الأرض
بتوصلنا خطوط الطول
وتفصلنا دواير عرض
وبينا بلاد
بساط مفرود لأطول حد
وعارفة إنك محبتنيش
لكن لمشاعرى بتراعى
فمتعزش عليا الحزن
ده أنا مؤمنة بأوجاعى
وعارفة الجرح مكتوبلى
ووجع الفرقة ده بتاعى
خلاص اضحك مفيش داعى
ومتخليش عينيك تحزن
عليا ف يوم ولا يخافوا
ملاك الحب مش دايماً
يكون كامل ف أوصافه
أنا راضية خلاص عدله
ومستنية إنصافه
يجوز يطوى بساط البعد
ونتقابل بأطرافه
نجلاء نعيم
يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com