السيسي لأهالي سيناء: بنحاول رد جميلكم علينا
الرئيس عبدالفتاح السيسي
خاطب الرئيس عبدالفتاح السيسي، أهالي سيناء، خلال كلمته في الندوة التثقيفية الـ34 للقوات المسلحة، المنعقدة في مركز المنارة للمؤتمرات، والتي تبث مباشرة وتحمل اسم «العبور إلى المستقبل»، قائلا: «عاوز أقول لأهالينا في سيناء، كان ليكم دور ديما كجزء من شعب مصر، أنتم مصريين قبل 67 وبعدها، وقبل 73 وبعدها، ولحد دلوقتي يمكن الدولة مقدرتش في وقت من الأوقات تقدم الواجب لكم، لكننا بنحاول نشكركم ونرد جميل أهل سيناء علينا كلنا».
الرئيس لأهالي سيناء: لو اتأخرنا في تعمير سيناء 30 سنة.. فبفضل الله هنتجاوز المدة دي
وأضاف السيسي، خلال كلمته في ندوة «العبور إلى المستقبل»: «صحيح أنتم جزء من الشعب، لكن ما فعلتموه في فترة من أقسى الفترات لا ينسى»، متابعا: «كتير مننا لازم يفهم يعني إيه ناس تعيش في كنف الاحتلال، وتقدم الدعم وتعرض حياتها وحياة أسرها لخطر حقيقي وتستمر فيه، حتى تعود سيناء إلى مصر وأهلها».
وتابع الرئيس السيسي: «اتأخرنا في الموضوع ده، لكن عاوز أقول إذا كنا اتأخرنا 30 سنة فإحنا بفضل الله سبحانه وتعالى هنتجاوز المدة دي، وكأن سيناء بيتم تعميرها بقالها 30 سنة».