روى إبراهيم عزوز زيد المعروف بـ«أقدم شيال في محطة مصر» قصته مع محطة القطارات التي تقع في ميدان رمسيس والتي عاصر فيها تصوير فيلم «باب الحديد» بطولة الفنانة هند رستم وفريد شوقي ويوسف شاهين وحسن البارودي «هند رستم خلتني أمثل في الفيلم»، كما أنَّ القدر ساقه ليعيد حقيبة أموال لصاحبها بالصدفة.
موقف طريف مع هند رستم
وعن كواليس تصوير فيلم «باب الحديد» التي عاصرها، قال «عم إبراهيم»، خلال لقاء مع برنامج «أتوبيس السعادة»، المذاع على شاشة قناة «DMC»، ويقدمه الإعلامي أحمد يونس، اليوم الجمعة: «كنت ساعتها عريس جديد، وكنت واقف جنب مجموعة سنها كبير فجاتلي هند رستم، وقالتالي تعالى أنت، عاوزاك تشتغل معايا، قولتلها أنا عريس جديد، فقالتلي هو أنا هتجوزك يا منيل؟ هند رستم واحدة ست بنت بلد».
خناقة هند رستم مع فريد شوقي
وواصل «عم إبراهيم» الذي يعد من أقدم شيالًا في محطة مصر: «كانت بتروح عند المخزن عشان تلبس الجلابية المخططة، فجالي فريد شوقي وقالي أوعى، فقولتله أوعى إيه يا أستاذ؟ قالي شنطة مدام هند على أساس إني كنت ماسكها ليها عبال ما تخلص لبس، فقولتله هو أنت مدام هند؟ لما تيجي، راحت هند متخانقة معاه وقالتاله هاتلك علبة سجاير، راح قالي عجبك اللي حصل، فقولتله أنا مليش دعوة دي زميلتك».
شنطة بها 36 ألف جنيه
وكشف في واقعة أخرى، أنه وجد حقيبة بها مبلغًا ماليًا كبيرًا أثناء جلوسه في محطة مصر بانتظار وصول القطار، قائلًا: «الواقعة دي كانت زمان ولقيت فيها 36 ألف جنيه، المبلغ ده يعادل ملايين دلوقتي، لقيت الشنطة قدام مني وأنا قاعد في استعلامات المحطة، ضربتها برجلي لقيت الفلوس بتقع منها، وخدتها في صدري ودخلت على الظابط وسلمتها ليه».
تعليقات الفيسبوك