هات من عيون الخلق
آخر نص قبل اﻻنتحار
جثث فـ صورة ناس
الروح خلاص
هربت من الأبدان
قلبك النبراس
مبقاش بيشع نور
كانوا فين الحور
حين كنا فـ الجنة
البنت رسمت حلمها
حنة موشوم يا واد
بأبو زيد والسيرة والمغنى
وسط الشقا وليت
وشي ع الكعبة
صليت فـ جهنم الخضرا
شربت الخمرة فـ الحضرة
يا منتهي الحبكة
شيطان بيشحت الضحكة
قالوا النبي العدنان
بيدعي جهرا فـ مكة
رقصوا جواري قريش
ع الدومة والتكة
شخلل جيوبه أبو جهل
ببواقي الفكة
يا منتهى الربكة
دلوني على مخرج
يا مخرج المشهد بهذا الشكل
العقل ذاهب والقلب راهب
و نفسي يطلعي دقن
اكسيني يا رب قبل الدفن
مليت كفن الرصيف
رجموا الفتاة
عشان طلبت رغيف
الورد فتح بريحة جيف
فـ لو وجوهكم
شطر أي حتة غير هنا
الأرض ملت مننا
حتى الكلام خارج ومش محسوس
ده بوذي وﻻ مجوس
حرق الجثة
مكنش طقس روحاني
أقوال كتير عن حرب البسوس
خيركم من يبدأ بالسلام
_ ﻻتصالح
يا عم أمل
خليك محضر خير
ايه اللي خدناه من كتر الزعيق
ريحة العطن ماليه الطريق
يا رب عين قادرة على التغميض
لم تخاف من صداع الدين
يا دين محمد ع الشاشات
كذب البخاري ف كل الحاجات
صدق البخاري فيما رواه
صرخ الفقير من الجوع
إني رأيت الله