كتب: عزالدين وهدان
كشف المدرب أشرف الحلو ، مدرب أسود، كواليس المشاهد التى جمعت أمير كرارة بـ الأسد "علوشى" فى مسلسل "نسل الأغراب".

وأوضح الحلو أنه قبل تصوير مشاهد الأسد مع الفنان أمير كرارة فى مسلسل "نسل الأغراب" جاء المخرج محمد سامى إلى السيرك القومى، للاتفاق مع شقيقته لوبا الحلو، مدربة الأسود، لأخذ أسد لتصوير بعض المشاهد فى مسلسله الرمضانى، وبدأت لوبا عرض الأسود التى تتمكن من تأدية المشهد بنجاح، واختيار الأسد "علوشى".

وأكد: "الأسد متدرب وعارف أن حركة اللحمة من "البوء للبوء" دى إحنا بنعملها معاه كمدربين فى السيرك، ولكن الجديد عليه هو عنصر المدرب اللى المفروض بيبقى واخد عليه وبيحترمه وبينفذ أوامره، وده خد وقت بسيط وأمير كان قلقان شوية ولكنه كان عارف بيتعامل مع مين وجايبين مين، فكان واثق فيا ولوبا لوجود صديقة بينا".


وتابع المدرب: "محمد سامى بيحب الحيوانات بره أى شغل وأى دراما.. على طول كان بيجيلنا ويقعد فى السيرك معانا، وفيه صداقة حلوة بينا، وجه وقت الشغل حملنا الأسد من السيرك إلى مدينة الإنتاج الإعلامى.. صورنا حوالى 12 يوما متقطعين".

وأشار فى حديثه عن كيفية توافر عنصر الأمان أثناء التصوير من خلال الاتفاق فى البداية على بعض المواصفات التى لا بد أن تتوفر فى قفص الأسد الجديد بمكان التصوير، متابعًا: "الأسد لما خد على القفص والمكان كان بينام وبيلعب فأخد مننا وقت لغاية أما دخلتله أنا ولوبا لطرح الأوامر المراد تنفيذها حتى يدخل فى مود الشغل".