للوقوف في البلكونات
ثقافة في كل الحاجات
حاجة تانية غير ثقافة
الكتب والمكتبات
حاجة يعرفها سيادته
والعساكر بالبنادق
واللي جوَّه الدبّابات
بس مين يعرف يقول لي
ذنبه إيه ابني اللي مات؟
ذنبه إنه مش مثقّف
للوقوف في البلكونات
ولا ذنبه إنه مصري؟
طفل مصري كان يادوبك
لسَّه بادي الأمنيات
ذنبه إيه يا ناس قولوا لي
طفوا ناري.. فهموني
طب قولوا لي
ليه سيادته كان معارض
لما قالوا ابني شهيد
ليه هاجمني؟.. ليه ظلمني؟
هو إيه قلبه حديد؟
يعني لو ابنه اللي مات
كان هيضحك من بعيد؟
كان هيفضل يبتسم
برضه في كل الشاشات؟
كان ساعتها راح يهاجم
اللي ما عندوش ثقافة
الوقوف في البلكونات؟
ولا كان هيقول يا عالم
ذنبه إيه ابني اللي مات
يا سيادة المثقف
إحنا عايشين ع الفتات
بس مش بنمد إيدنا
عمرنا ما في يوم نفكر
إننا نحرق بلدنا
همنا بس في حياتنا
إننا نربي في ولادنا
حاجة تانية عايز أقولها
موّتونا.. جوّعونا
انهبوا قوتنا ودوسونا
عيّشونا ع الفتات
بس حد يقولي فيكم
إيه ثقافة البلكونات؟