مروة مدني مروة مدني حبشتكانات.. جدو عبده وعمو فؤاد- أخيراً
الثلاثاء 12-06-2018 | PM 03:52

(3)

صاحبة السعادة

واشتهر الهاشتاج وبقى "عمو فؤاد" و"جدو عبده" حديث السوشيال ميديا وانهالت العروض والإعلانات ورجعوا بقوة أكتر من زمان وكان من ضمن العروض ظهور خاص فى برنامج "صاحبة السعادة".....

صاحبة السعادة: نورتونا يا نجوم الفن الجميل.

جدو عبده: منور بوجودك يا صاحبة السعادة.

صاحبة السعادة: السعادة بقت برجوعكم لينا بحلاوة زمان.

عمو فؤاد: بس إحنا رجعنا وما رجعناش.

صاحبة السعادة: إزاى؟! ده الكل دلوقتى بيتكلم عن رجوع عمو فؤاد وجدو عبده! جدو عبده: رجعنا أشخاص مش أفكار.. وكل زمن وليه أفكاره.. وإحنا أفكارنا بقت دقة قديمة بتاعة زمان.. كانت فزورة ومعلومة يحبها الكبير والصغير.. كانت حياة بسيطة ومشاكلها أبسط.. كان الحزن ضيف ييجى شوية ويمشى والضحك مكانه القلب ساكن ومتبت.

صاحبة السعادة: ودلوقتى؟

عمو فؤاد: دلوقتى راح الزمان وبقينا مجرد ذكرى حلوة تفتكروها وتترحموا على أيامها مع إن فى إيديكم ترجعوها.

صاحبة السعادة: نرجعها! يا ريت.. طب إزاى؟

فطوطة يدخل الإستوديو: ترجعوها بإنكم ترجعوا زى زمان تضحكوا من قلوبكم وتقدموا للناس اللى يبسطهم وكمان تفرضوا فى أعمالكم الأخلاق وتعرفوهم إن الشر دخيل على الإنسان وكل سنه وإنتِ طيبة يا مدام إسعاد.. ويا كل اللى تابع الحلقات.. وآآآآآكشن.

تعليقات الفيس بوك

المقالات الاكثر قراءة

عاجل