قالت نور الطيب، بطلة الإسكواش، إن معرفتها بزوجها علي فرج، الحاصل علي بطولة أمريكا للرجال في الإسكواش، ممتدة منذ الطفولة، مضيفة: "إحنا عشان لعبنا إسكواش مع بعض في سن ست سنين في نادي هيليوبليس، فنعرف بعض من زمان، وطول عمرنا أصحاب". فيما أضاف "علي فرج"، خلال حوارهما في برنامج "معكم"، مع الإعلامية منى الشاذلي، على قناة "سي بي سي": "ما بقيناش صحاب أوي غير لما بقينا 16 سنة، بعد كدة أنا سافرت أدرس في أمريكا وانا عندي 19 سنة"، لتقاطعه "نور": "كنت بصحي 6 الصبح عشان أكلمه لأن في فرق توقيت، ساعتها حسينا إننا بنحب بعض". وتابع "فرج": "بحكم معرفة أهالينا ببعض كلمناهم، ووافقوا واتفقنا إنى لما أتخرج هيحصل نصيب، حفلة تخرجي كانت يوم الأحد، يوم الأربع كنت عندهم في البيت عشان أتقدم".