«أم مريم» تحصل على لبن أطفال مدعم «وبتعمله مهلبية»
علبة اللبن التى تحصل عليها «أم مريم» أسبوعياً
«حد عايز لبن أطفال مدعم؟».. كلمات غريبة استوقفت ركاب المترو؛ فلأول مرة يصادفون بائعة تعرض لبن أطفال مدعم للبيع فى عربات المترو، لتوضح لهم «أم مريم» أنها تحصل على علبة لبن كل أسبوع لابنتها من مستشفى الدمرداش، لكنها لا تناسب مرحلتها العمرية، فتضطر إلى بيعها أو استبدالها من الصيدلية لتشترى بثمنها علبة أخرى تناسب سنها، وعندما تيأس من بيعها تستخدمها فى صناعة أطباق المهلبية لتغذى ابنتها المريضة بإعاقة فى المخ.
تحكى «أم مريم» عن المصاعب التى تمر بها لتوفير اللبن والعلاج الشهرى لابنتها التى ولدت بإعاقة فى المخ وتحتاج إلى جلسات علاج طبيعى، وهو ما يكلفها الكثير: «ناس قريبين نصحونى أروح مستشفى الدمرداش للأطفال وآخد اللبن مجاناً، لكن لما رحت قالوا لى مفيش غير لبن للمرحلة التانية، وهى اللى يناسبها لبن المرحلة التالتة»، مؤكدة أن مسئولى المستشفى وعدوها بتغييره لكن الأمر سيستغرق عدة أشهر.
تعانى «أم مريم» الأمرين مع ابنتها خاصة فى ظل الظروف المادية الصعبة وارتفاع الأسعار: «ساعات بضطر أشربها لبن نيدو وده كمان غلى، بجيب العلبة بـ50 جنيه وبتشرب على الأقل علبتين لبن فى الأسبوع». تأخر المعاش الذى خصصه الرئيس عبدالفتاح السيسى لذوى الاحتياجات الخاصة وقدره 320 جنيهاً، ضاعف من متاعب «أم مريم»: «نقلت بسبب ظروف خلافى مع حماتى من بيتى فى مدينة السلام إلى قرية الخصوص، ولهذا السبب يتأخر صرف المعاش وأنا اللى بجرى ببناتى الاتنين، عندى بنت تانية عندها ست سنوات».