بالفيديو| مؤسس "تسعيناتي": المشروع يتناول شكل ثقافة جيل كامل
قال محمد علام مؤسس مشروع "تسعيناتي.. بانوراما الذاكرة الجمعية التليفزيونية"، الذي يؤرخ لما كان يعرض على التليفزيون في فترة التسعينات من القرن الماضي، إنه يمثل "ذاكرة وثقافة جيل كامل، بيورينا إحنا اتعلمنا إيه"، مؤكداً على أهمية عمله هو وزملائه، وذلك خلال عرض المشروع اليوم في جاليري "تاون هاوس" بوسط القاهرة.
علام جاءته الفكرة وهو يبحث عن ثقافة هذا الشعب، والتي استقاها من وجهة نظره من التلفزيون المصري بشكل كبير "زمان كان التليفزيون المصري بقنواته الاتنين أو الثلاثة كانوا هما الأساس في كل بيت، لذلك فهو كان مؤثر من وجهة نظري في ثقافة الجيل بتاع النهاردة".
بدأ علام فكرته بتجميع كل ما يقع تحت يديه مما كان يعرض قديماً على شاشة التلفاز في فترة التسعينات "كنت بجمع الداتا بتاعتي من كل حتة، وبعد كده اشتغلنا عليها أنا ومجموعة من الزملاء، هم رامي أبادير وبيتر فارس وعماد ماهر، وطلعنا منها فيلم وثائقي، وعرض موسيقي وكتاب ومعرض للفيديوهات ديه".
يرى علام أن مشروعه مهم جداً على أكثر من مستوى، فهو يري الناس الذاكرة التي يشتركون فيها وتشكل وعيهم، أي تشكلهم هم، و"ده في رأيي مهم جداً عشان نفهم إحنا وعينا اتشكل إزاي، اللي بيتعرض ده شكل ثقافة جيل كامل".