السيسي للمصريين: "لازم تصدقوا إنهم عاوزين يضيعونا.. بس ربنا قال لأ"
الرئيس عبدالفتاح السيسي
قال الرئيس عبدالفتاح السيسي إن المصريين وضعوا عزلا لأنفسهم، "المتدين بقى شكل والعادي شكل تاني خالص، في حين إنه مافيش فرق بيهم خالص، بالعكس كل ماهيكون فهمه الديني مناسب هاتكون سلوكياته وممارساته مع نفسه ومجتمعه جيدة ومناسبة".
وأضاف السيسي، خلال حديثه في المؤتمر السادس للشباب: "لازم تصدقوا إنهم عاوزين يضيعونا.. إحنا دخلنا تجربة وربنا أراد ماتكملش وماقدروش يدمروها مش عشان الجيش تدخل ولا السيسي وقف أو إحنا شاطرين.. ربنا قال لأ".
وتابع: "في آية في القرآن بتقول (وإن كان لمكرهم لتزول منهم الجبال)، في مكر يقدر يزيل الجبال، اوعوا تتصوروا إن البشر بسيط، والعقول البشرية وتطورها وفنون المكر والكيد واللؤم شديدة التعقيد والتخفي".
وانطلقت فعاليات المؤتمر الوطني السادس للشباب، اليوم، بجامعة القاهرة تحت رعاية وحضور الرئيس عبد الفتاح السيسي، ومشاركة أكثر من 3 آلاف شاب من مختلف المحافظات.
وتشهد جلسات المؤتمر، وعلى مدى يومين، مناقشة مجموعة من أبرز القضايا والموضوعات والملفات الملحة المطروحة على أجندة الدولة المصرية، والتي تشغل بال المواطنين وتحتل حيزًا مهمًا من اهتماماتهم.