يعقوب: لا أؤمن بالعلاج السياحي ولدينا كفاءات لا تحتاج للدراسة بالخارج
جراح القلب العالمي الدكتور مجدي يعقوب "يمين الصورة"
قال جراح القلب العالمي الدكتور مجدي يعقوب، إنه لا يؤمن بالعلاج السياحي أو الطب الاستثماري، مؤكدا أن مصر تحتاج إلى مستوى عال من الأفكار والرؤية والطموحات.
وأضاف خلال استضافته على هامش فعالية "صناع الأمل" ببرنامج "معكم" الذي تقدمه الإعلامية منى الشاذلي على شاشة "CBC": "لازم الشباب تبقى عارفة إن القيم هي أهم حاجة، وكذلك خدمة الشعب وخدمة العلم، مش إننا نجيب فلوس من دول تانية ولكن نصدر علم ومعرفة وأخلاق ونخدم شعبنا عشان يكون لنا تأثير في المجتمع".
وتابع أنه لا يرغب في أن تكون الأموال هي المحرك للشباب أو ما يدفعهم للأمام، "لكن الكفاءات هي التي ستدفعهم بالعلم والخدمة والقيم ودا اللي مصر عايزاه".
واستطرد أنه رفض أكثر من مرة أن يكون جزءًا من منظومة ربحية استثمارية، مشيرا إلى أنه على قناعة أن جراحة القلب والطب ككل رسالة سامية خاصة في ظل احتياج الشعب المصري والفقراء الذين لا يمتلكون الإمكانيات، "فيه دول تانية كتير نامية في العالم، و80% من العالم محتاج لجراحة وعلاج للقلب والابتكار و80% مش بيوصلهم علاج، ولازم المركز الذي سيبنى في مدينة أكتوبر يكون نواة عشان الشباب المصري يبدعوا".
وأكد أن العالم العربي مليء بالكفاءات، وتساءل: "ليه يسافروا يدرسوا في أماكن تانية، لازم يبقى عندهم إبداع وعزة وكرامة ودا اللي بيحصل دلوقتي وبشوف الولاد بيروحوا في مؤتمرات في أمريكا واليابان وأماكن تانية والناس مش بتبقى متصورة قدرات الشباب وعلمهم".