شعبولا: "مؤمن بالله وممكن أموت بكرة ومش خايف"
شعبولا
عرض المطرب الشعبي شعبان عبدالرحيم تفاصيل حالته الصحية، مؤكدًا أنه يذهب للمستشفى باستمرار على قدميه للحصول على جلسة أكسجين ويطالب الأطباء بحجزه في الرعاية المركزة.
وأوضح "شعبولا" خلال لقائه مع ريهام سعيد في برنامج "صبايا" المذاع عبر فضائية "الحياة" أنه لم يخاف طوال فترة إقامته الأخيرة في المستشفى والتي وصلت لـ15 يومًا قائلًا: "مخفتش من الموت والموت بتاع ربنا والواحد بيفكر في الموت وممكن يموت بكرة ومش خايف من الموت خالص وانا لو مت وياريت الواحد يموت دلوقتي عشان ميشوفش البلاوي اللي بيشوفها".
وأوضح "شعبولا" أنه لا يخاف من الموت ومستعد للقاء الله: "ده الواحد مؤمن بالله وكلنا هنموت والدنيا كلها هتموت وأبويا وأمي ومراتي ماتوا ومش خايف من لقاء ربنا ومستعد للموت دلوقتي الحمد لله وربنا الأعلم باللي عملته".
وأجرت ريهام سعيد لقاء خاص مع "شعبولا" في بيته وظهر وخلفه صورة كبيرة له مع السيد عمرو موسى الأمين العام السابق لجامعة الدول العربية والذي غنى له شعبولا "بحب عمرو موسى" ضمن أغنيته الشهيرة "أنا بكره إسرائيل".