رجال المرور يستغيثون بالمارة: اطلبوا النجدة خليها تلحقنا
«اطلب النجدة بسرعة خليها تلحقنا»، هكذا استغاث أسامة مختار أمين شرطة بقطاع مرور شرق القاهرة ومكان تمركزه ميدان المطرية، طالباً من أحد المارة الاتصال بشرطة النجدة لإنقاذه من الاشتباكات التى اندلعت بينه وبين عدد من بائعى الفاكهة رفضوا رفع بضاعتهم من جانبى الشارع الرئيسى.
سوء التنظيم بالمكان يحوله إلى فوضى عارمة، حولت الميدان إلى سوق، يملؤه بائعو الفاكهة والأدوات المنزلية والخردوات ومستلزمات المدارس، وضعف شرطة المرافق سبب رئيسى فى سوء الأحوال المرورية بالمكان، «الحملة بتنزل نص ساعة تشيل الناس وتمشى، بعدها بـ 5 دقائق الناس ترجع تانى» يتحدث «أسامة» مستاء من فشل محاولاته لتسهيل الحركة المرورية، ويضيف: «والله بحاول أشتغل بس للأسف مفيش حد بيسمع الكلام، مبقاش لينا هيبة، والناس اللى بتخالف مبيهماش الأمين». «أنا عندى كوم لحم ورايا وعايز أعيش»، يتحدث مندوب الشرطة حمدى عبدالعزيز، موضحاً أن ضعف وجود القوات بالميادين لا يتناسب مع المخاطر التى يتعرض لها رجال المرور، من المواطنين والبائعين، ويضيف: «كل يوم بتحصل معانا خناقات، ومحدش مننا معاه سلاح يدافع به عن نفسه وبدلته، مش عايزين الوزارة تزود مرتباتنا، عايزينها تحمى رجّالتها، أنا بتاع مرور مش قوات خاصة، عشان يرمونى فى الميدان ويسيبونى كده».