ــ "سليم الأنصارى" قبض على "أمير كرارة" بـ 2 "كلبش" ليتحول القادم للأصعب بمأزق حقيقى.
ــ المشخصاتية المحترفة دراما وكوميديا "سهر الصايغ" بنجاحاتها وطاقاتها خسارة كبيرة فى "السك مع أخواتها"!
ــ "فتحى عبد الوهاب" خشبة مسرح متنقلة.
ــ "عارفة عبد الرسول".. "مش عارفة بقت إيه عند جمهورها"!
ــ "دياب" أصبح الـ "عووو" الرسمى لنجوم الدراما...... "والشر ما بيكدبش".
ــ "خالد" – "مش سليم" ويحتاج لصيانة فنية فورية وعاجلة!
ــ الأداء الواحد علامة مسجلة لـ "مى عز الدين"!
ــ "يا بهية اللى يدى فى يوم يلاقى.. واللى لسه فى عمرى باقى.. لو هاعيشه هاعيشه ليكى زى ما إنتِ عيشتى ليه" – إعلان مستشفى بهية 2018..."أمى.. ثم أمى لحد آخر يوم فى عمرى.. حضن من أول حياتى وهمه همى.. اللى كتر خيرها داب خيرها فى دمى وعايش فيه" – أمى – تامر حسنى والمجموعة 2008.
ــ الاسم "بالحجم العائلى" والحقيقة "منفوخ هوا"!
ــ ثقة "هند عبد الحليم" فى نفسها وأدائها نصف "باسوورد" النجاح.
ــ وزن "مراد مكرم" التمثيلى أكبر بكثير من وزنه الحقيقى على الميزان.
ــ مفاجأة "أيوب" الحقيقية فى "باربى" النسخة الشعبية "هنا الزاهد".
ــ الشاعر "أمير طعيمة" يستحق لقب "شاعر القلب والقلم" بعد "محمود سامى البارودى- شاعر السيف والقلم".
ــ "صباح الخير يا مصريين صباح الفل يا بلادى .. فى ٧٧٧ عرفنا الخير لما لقينا فيه أيادى" – هانى شاكر – إعلان مستشفى 777.... "مشينا كتير - تعبنا كتير - مشينا لوحدينا تعبنا .. عرفنا الخوف فى عز النور .. وبقينا نخاف من حبايبنا" – محمد فؤاد – ألبوم حبينا 1994.
ــ الحكمة تقول... وما طار "نسر" وارتفع إلا كما طار وقع.