نجوم الرياضة يهنئون DMC بعيدها الثالث: قناة فيها روح الأسرة
وليد صلاح الدين: يميزها الاهتمام بالشباب
DMC
هنأ عدد من نجوم الرياضة فضائية DMC بمناسبة عيد ميلادها الثالث.
وقال الكابتن أحمد شوبير: "كل سنة وDMC بخير، إضافة للإعلام المصري، بصراحة القناة دمها خفيف والمذيعين دمهم خفيف تشعر بروح الأسرة موجودة فيها".
فيما قال الكابتن حازم أمام: "مبسوط إني في dmc وعايز أقولكم كل سنة وأنتوا طيبين وكل سنة وdmc طيبة وكل سنة وكل قناة مصرية طالعة بتدينا أحلى حاجات وأحسن برامج ودراما بنشوفها بخير".
بينما قال الكابتن عبد الظاهر السقا: "كل سنة وأنتي طيبة بقيتوا خلاص من القنوات المؤثرة في بيوتنا، دخلتوا بيوتنا وأثرتوا فينا".
وقال الدكتور طه إسماعيل: "كل سنة وdmc طيبة في عيدها الثالث ونأمل لها التوفيق دايما في رسالتها الإعلامية القوية جدا، فالقناة قدمت رسالة إعلامية كبيرة ومهمة جدا خلال موسم 2019".
وقال الكابتن وليد صلاح الدين: "كل سنة وأنتم طيبين ويا رب dmc بخير وبسعادة ومتألقة دايما، وأحلى حاجة في dmc الاهتمام بالشباب، واضح جدا أن الشباب واخدين قطاع كبير ونسبة غالبة من اهتمام المسؤولين في dmc".
وقال الكابتن عمرو الدسوقي: "dmc كل سنة وهي طيبة 3 سنة نجاح وتألق".
"كل سنة وأنتوا طيبين ميلادك الثالث وإن شاء الله من تقدم لتقدم".. بهذه الكلمات هنأ الكابتن محمد عمر الفضائية.
وقال الكابتن محمد أبوالعلا: "أتمنالها إن شاء الله مزيدا من التقدم وتمتعنى زي ما كانت ودايما بنشوف إضافة في المحتوى".
أما الكابتن محمد صلاح أبوجريشة فقال: "أتمنى إنها تفضل على مصداقيتها، إن كل الناس تستمتع بيها وزي ما كلنا مستمتعين بالرياضة نستمتع بالثقافة والأفلام".