بيكا: مش عايز تصريح الغناء.. وهاني شاكر مايعرفش حاجة عن اللي بيحصل
المغني الشعبي: بيوصلوا لنقيب الموسيقيين كلام غلط وأنا عمري ما غلطت فيه
حمو بيكا
سألت إيناس الدغيدي مؤدي المهرجانات حمو بيكا عن الفنان هاني شاكر، نقيب المهن الموسيقية.
وقال بيكا خلال لقائه مع الدغيدي في برنامج "شيخ الحارة والجريئة" المذاع عبر فضائية "القاهرة والناس": "أنا مش عايز التصريح لكن الأستاذ هاني شاكر مايعرفش أي حاجة عن اللي بيحصل ومش هو اللي عمل كل ده لكن اللي تحت منه".
وأضاف: "أنا كلمته في التليفون أنا ووالدتي وقراره على دماغي لكن هما بيوصلوا له كلام غلط وأنا عمري ما غلطت فيه ومقدرش وهو كمية الاحترام كلها فيه وهو أخويا الكبير".
وتساءل حمو بيكا: "هو شاف هما اتعاملوا معايا إزاي وأنا جاي أخبط على بيتهم يكرشوني وأنا عايز أشتغل"، مطالبًا بإنشاء شعبة "راب شعبي" لهم في نقابة الموسيقيين ليغنوا تحت إشراف النقابة.