شقيق "سفاح الشروق": "لم أكن أعرف أنه قتل زوجته وأولاده أو أنه متزوج أصلا"
صورة من موقع الحادث
قال سامي محمد، شقيق "كرم محمد عبدالراضي" الذي اعترف تفصيليًا بقتل زوجته "منال" وقطع رؤوسه أبنائه الأربعة، في القضية المعروفة إعلاميا بـ"سفاح الشروق قاطع الرؤوس"، إنه يوم الأحد 9 سبتمبر.. حوالى الساعة عشرة بالليل كنت قاعد على قهوة جنب البيت ولقيت أبوعوف بيقول لى كلم أخوك كرم، ولما أخدت منه التليفون لقيته بيقول لى إنه واقف قبل محطة السكة الحديد بتاعة سوهاج بحوالى اتنين كيلو عند قرية نيدة وطلب منى 3 آلاف جنيه علشان معهوش فلوس يدفع إيجار الشقة بتاعته، بحسب ما جاء في تحقيقات النيابة.
وأضاف في تحقيقات النيابة: أنا قلت له خليك واقف أنا هجيب لك الفلوس وآجى وأنا كان معايا فلوس فى البيت أخدت منها 3 آلاف جنيه وقلت لأبوعوف وأنا بأرد له التليفون على القهوة عايزك توصّلنى مشوار بعربيتك.. وطلعت على المكان اللى «كرم» قال لى عليه جنب محطة القطر ورحنا على المكان دا وكان كرم واقف لوحده فركب معانا العربية وفضلنا واقفين حوالى عشر دقايق تقريباً وسألنى على الفلوس واديتهم له وبعدها قال لى إنه عايزنى أبيع بيت أبويا علشان ياخد ميراثه منه وبعدين طلب منا نوصّله لمحطة القطر ولما وصلناه لمحطة القطر قبل ما ينزل سألته «انت جيت إزاى هنا؟»، فماردش عليّا وسابنى ونزل دخل محطة القطر.
واستكمل: رجعت بعد كدا أنا وأبوعوف وأنا نزلت عند القهوة ورُحت على البيت وأبوعوف راح على بيته وبعدها بحوالى ساعة تقريباً لقيت ظباط مباحث من المركز عندنا جايين لى على البيت وسألونى «انت قابلته إزاى؟»، فقلت لهم أخدت أبوعوف السواق اللى عندنا فى القرية فالظابط قالى عرفنى طريق بيته ورُحنا على بيت أبوعوف والضابط قبض عليه وبعد كدا طلعنا على محطة قطر سوهاج ولقينا كرم واقف مستنى القطر فراحوا مباحث المركز قابضين عليه وطلعوا بينا على قسم أول سوهاج وهناك راحوا واخدينّا وطالعين بينا على القاهرة وعرضونا إمبارح والنهاردة على النيابة وهو دا اللى حصل.
وتابع: لا علم لي بقيام شقيقي بارتكاب واقعة قتل المجنى عليها منال ناجح إبراهيم وأطفالها الأربعة "حسين ودعاء ومحمود وحنين كرم محمد"، مؤكدا أنا معرفش إنه اتجوز أو خلف فى القاهرة، مضيفا أنا قابلت كرم قبل محطة القطر بحوالى اتنين كيلو فى قرية نيدة بمركز أخميم فى سوهاج.
وانفردت "الوطن" بنشر النص الكامل لتحقيقات النيابة في واقعة "سفاح الشروق.. قاطع الرؤوس"، تحت عنوان "تحقيقات «سفاح الشروق».. قاطع رؤوس زوجته وأبنائه: «الجريمة كلفتني 38 جنيه»"واقرأ أيضا: لماذا نفذ حكم الإعدام في «سفاح الشروق» قاطع رؤوس أطفاله قبل محاكمته؟، واقرأ: تحقيقات قضية «سفاح الشروق»: الجريمة متشابهة مع واقعة قتله لصديق عمره.. خيانة وقطع رؤوس".