بالفيديو| شقيقة «تواضروس»: 5 من أهلى اندبحوا.. والسيسى هدية ربنا لينا
بنبرة واثقة حادة، تقول «أنا أخت الشهيد تواضروس يوسف، والشهيد مينا يبقى ابن سلفى، وأولاد عمى اتنين موسى وصموئيل استشهدوا، كلهم حبايبى وقطعاهم من الكبد بس مش مستخسراهم فى ربنا»، تقول نورا يوسف، التى مات نحو 5 من عائلتها فى المذبحة الأخيرة، التى وقعت فى مدينة سرت الليبية. هذه الثقة التى تملأ قلبها وتغطى كلماتها الهادئة تقول عنها «نورا» إنها نابعة عن «إيماننا بربنا وديننا». قالت شقيقة الشهيد تواضروس يوسف: «أخويا مش خسارة فى ربنا، ولا أى واحد من قرايبى الخمسة اللى ربنا حرمنا منهم، رغم إنهم كانوا ملايكة، وكأن ربنا اختارهم واحد واحد، ولو كانوا رجعوا بشرط إنهم يتنازلوا عن دينهم حتى لو علشان ينجوا كنا موتناهم هنا بإيدنا. هما عملوا اللى ربنا عايزه منهم إنهم يتمسكوا بدينهم، ورفعوا راسنا فوق ورفعوا الصليب». «لو جم بتوع داعش يقتلونا إحنا كمان والله نقدم أولادنا الصغيرين قبلينا» .