بالفيديو| برلماني لمذيع بالتليفزيون بعد حديثه عن الشرطة: "الحلقة دي مش هتتذاع"
أرشيفية
تناول الإعلامي عاصم بكري، مقدم برنامج "شمس بكرة" على الفضائية المصرية، الحديث عن تجاوزات بعض ضباط الشرطة، فرد عليه العميد أحمد رفعت، عضو مجلس النواب: "أنا حاسس إننا مش في التليفزيون المصري، والحلقة دي مش هتتذاع".
وقال بكري خلال برنامج "شمس بكرة"، اليوم الأربعاء، "أحيانا يحدث أن ضباط مكافحة المخدرات يبعثون لتجار المخدرات ويطلبون منهم عمل ضبطيات، للبحث عن ترقيات وغيره، حديثي عن السلبيات هدفه الإصلاح"، فرد رفعت ضاحكا: "إحنا كده معارضة بقى مش في التليفزيون المصري، والحلقة دي مش هتتذاع".
وقال رفعت: "أي مهنة بها السيء وبها الشريف، وعندنا في الداخلية ضباط بيموتوا دفاعا عن البلد، وآخرون بيتقبض عليهم وبيأخدوا رشوة، ومش هنحط رأسنا في الرمل".
وأضاف: "حملات التلفيق من الضباط الفاسدين لازم تتوقف، ولازم نشتغل على أخطاءنا، الرئيس السيسي مش هينزل يعمل كل حاجة بنفسه".