Fixaway.. "صنايعي ديلفري" على تطبيق هاتفك
أرشيفية
عادة ما يشتكي الكثيرون من التعامل مع الحرفيين "الصنايعية" وذلك خلال مراحل تشطيب وحداتهم السكنية أو عمل الصيانة في منازلهم، بسبب جشع البعض أو عدم الوفاء بالمواعيد الخاصة بتسليم العمل.
تطبيق جديد يسمى "fixawy"، جاء ليزيل هذا الهم عن كاهل المواطنين، إذ يساعد هذا التطبيق على تواصل الناس مع إدارة البرنامج لطلب "أوردرات" بالخدمة التي هم في حاجة إليها.
ويعتمد هذا التطبيق على عدة خطوات تتمثل في:
تسجيل لحسابك "فيس بوك"، ثم اختيار المدينة، ثم اختيار المنطقة، ثم اختيار الخدمة "كهربائي، أو سباك، أو نجار"، ثم تحصل على قائمة بأسماء "الصنايعية" الموجودين في منطقتك بتقييم كل منهم من حيث كفاءته وأجره، ثم يتم حجز اليوم والساعة، ثم بعد ساعة يأتي إشعار أنه تم الاتفاق مع الكهربائي "الفلاني" ورجاء تأكيد الميعاد، وطبيعة الخدمة يضعها العامل على التطبيق ليعطيه السعر المناسب".
انتشر هذا التطبيق بشكل كبير خلال الأيام القليلة الماضية، ليلاقي استحسان الكثيرين الذين أشادوا بالفكرة، فقال عمر: "أنا طلبت أوردر جه الصنايعي خلص الشغل فى ربع ساعة بحرفية عالية والراجل محترم ونظيف جدا.. وفكرة الـapp حلوة جدا ومريحة وبترحمك من غلاسة و قرف الصنايعية والتسعير من خلالهم بيحميك من طمعهم كمان.. بصراحة fixawy فكرة تستحق التشجيع".
وتوالت ردود الأفعال على هذا التطبيق، لتعلق سهيلة: "حلو الأبليكيشن ده... يا رب مايطلعش تريند زي أوبر وبعدين يقلبوا"، مضيفا: "الكلام ده لو صح يبقي رائع"، وأشادت مريم بالتطبيق قائلة: "فكرة عظيمة ولا استغلال الصنايعية".
وبعد توالي التعليقات من المواطنين، ردت صفحة "fixawy"، عبر حسابها الرسمي على "فيس بوك": "اللي بيحصل النهاردة ده مش عشان إحنا عملنا برنامج كويس بس، اللي بيحصل دا بسبب إن في صنايعي كويس وعنده ضمير.. واتحط في المكان اللي يميزه عن باقي الصنايعية".
وأكدت الصفحة، ثقتها منذ البداية في "الصنايعية" وقدرتهم على إخراج الشغل بالشكل المطلوب والمرضي، معلنة عن وجود خطة تطوير "إن شاء الله نقدر ننفذها حاليا بس هيكون في بعض المشاكل في التطبيق بسبب تضاعف المستخدمين لأكثر من ١٠ أضعاف، إحنا بنحل المشاكل دي دلوقتي والأداء المفروض هيكون أفضل في خلال وقت قصير، اللي بتشوفه دلوقتي ده مش أفضل أداء لينا، نشكركم على دعمكم".