«أيوب» للإخوان: «حد يصدق واحد لابس تى شيرت عليه صورة مرسى»
لافتات رابعة وتى شيرت مرسى، حملها شباب الإخوان وجروا بها فى شوارع مركز طوخ بالقليوبية، مشهدهم لفت انتباه سكان المنطقة، خرج أيوب محمد من شباك شقته فى الطابق الأرضى، سائلاً جاره: «هما الإخوان بيجروا كده ليه يا حاج عادل؟»، سمعه الشاب الإخوانى، فأجابه وهو يلهث: «ده ماراثون، تعالى انزل معانا وشاركنا».
لبى «أيوب» الدعوة، قرر أن ينزل من بيته ويشاركهم بعلم مصر وسط شارات رابعة، «قلت أنزل وأشاركهم الجرى، بس كل واحد ماسك اللى بيحبه، عشان أثبت لهم إنى مش خايف منهم وإننا بنتعامل معاهم عادى، مش ضدهم طول الوقت زى ما بيقولوا».. يقول: «دخلت وسطهم وكل ما ألاقى حد من جيرانى أقوله ينزل معايا بعلم مصر».
لم يصدق الشاب العشرينى عينيه، وهو يرى شباب الإخوان يتصرفون بشكل محترم «آه بس لو يسيبوا صور مرسى وشارات رابعة، يبقوا مصريين محترمين»، قالها أيوب محدثاً نفسه، ما جرأه على طرح الفكرة على أحد شباب الإخوان كان يجرى إلى جواره، لكنه، وما إن بدأ الحديث معه حتى أصابته الصدمة، فحين سأله عن سبب إطلاقهم لهذا الماراثون، رد عليه الشاب الإخوانى: «ده مارثون رابعة فى حب مرسى».
عاد إلى منزله وهو يحدث نفسه، يرى أن الشاب الإخوانى خدعه، ويعيب على نفسه أنه صدقه «قررت من بعدها إنى أحكى القصة دى لكل الناس، عشان الناس تحطها حلقة فى ودانها إوعى تصدق إخوانى».