صاحب حملة "شكرا أخي السوري" في مصر: "بنقولهم إحنا معاكم"
صاحب حملة "شكرا أخي السوري" في مصر: "بنقولهم إحنا معاكم"
صورة أرشيفية
دشن عادل جمال، أحد مستخدمي موقع التواصل الاجتماعي "فيسبوك"، حملة "شكرا أخي السوري"، لدعم اللاجئين السوريين في مصر.
وتستند فكرة الحملة، إلى ضرورة دعم اللاجئين السوريين معنويا، عن طريق توزيع الهدايا البسيطة عليهم، محددا 18 سبتمبر الجاري موعدا للفاعلية، أمام مسجد الحصري في مدينة 6 أكتوبر.
وكتب جمال، عبر الصفحة الرسمية للحملة، "هانزل ومعايا بانر بعد صلاة الجمعة عند مسجد الحصري وهمسك بانر مكتوب عليه (شكرا أخي السوري)، وهحاول أشتري أي حاجة تعتبر هدية عشان أوزعها على الأخوة السوريين اللي هقابلهم اليوم ده ولمدة 3 ساعات، لو حد حابب يجي معايا هبقى مبسوط جدا".
يقول عادل جمال صاحب الفكرة، "حطيت نفسي مكان الأخ السوري.. بلدي فيها حرب ومتهجر وبسمع كل يوم عن قتل وخراب في بلدي، أكيد هبقى في قمة الاكتئاب وممكن أنتحر، والأهم من الدعم المادي إن في حد يقول: أنا معاك وكتفي في كتفك بابتسامة هتأثر أكتر، لأني مش هاقدر أساعده ماديا".
وأضاف جمال، في تصريح خاص لـ"الوطن"، "ناوي أنزل لوحدي وعملت الإيفينت من حسابي الشخصي، ومعملتش دعوة لأي حد من أصحابي، ومش عارف إزاي في يوم واحد اشترك معايا 400 شخص".
ولفت إلى أنه سيطبع شعار الحملة في صورة كبيرة الحجم للفت أنظار السوريين المارين في الشارع، مضيفا "ياريت اللي يجي يجيب معاه أي هدية بسيطة صغيرة عشان يوزعها، حتى لو علبة عصير".
فيما تفاعل عدد من الشباب مع الحملة عبر "فيسبوك"، وعلقت فتاة سورية قائلة: "الشعب المصري.. إنتو لي أجدع ناس عن جد مبادرة كتير حلوة".
وعلق شباب مصري: "مش لاقي كلام ممكن أوصف بيه التقصير والعجز والضعف وإحساس الظلم اللي بيلاحقنا كلنا.. إحنا عاجزين.. شكرا أخي السوري وشكرا لأي طريق أو فكرة ممكن تجمعنا ضد العجز".