عتاب من طفل مصرى
عتاب من طفل مصرى تنقله الشاعرة المبدعة فاتن شوقى فى سطور قصيدتها المعبّرة بصدق وألم وبراءة عما يشعر به الأطفال هذه الأيام من قلق لما يحدث على أرض الوطن الغالى
عتاب من طفل مصرى
مظلومة يا مصر وأنا معاكى
طفل ومش سايبينِّى أهواكى
النيل عمال يروى شقوقهم
ويحافظ على كل حقوقهم
لكن.. صراعاتهم بتسوقهم
وانا تايه وغريب جواكى
■ ■ ■
طفل ولسه بقلبى الأخضر
دُقت مرارة ف قلب السكر
أهوال.. صدمات ويّا مآسى
صراعات.. لمناصب وكراسى
شُفت الشيب زاحف على راسى
صرت عجوز.. لما اقعد افكّر
■ ■ ■
عكّروا حبى ف قلبى لبلدى
خنقوا طفولتى وقطفُم وردى
ولا إيد بتطبطب على كتفى
نور أملى بيبعد وبيطفى
عايش مستنى ف يوم حتفى
بادعيلك م المحنة تعدِّى
تنادينى لحضنك المصرى