والدة الشهيد مصطفى الصاوي: لو المتهمين طلعوا براءة هحس ساعتها إن ابني "مات"
علقت والدة الشهيد مصطفى الصاوي، أحد شهداء ثورة 25 يناير، على إعادة محاكمة جميع المتهمين في قضايا قتل المتظاهرين، بأنها أمر ضروري حتى يتم محاسبة كل من تسبب في إزهاق أرواح الشهداء.
وقالت والدة الشهيد في تصريح خاص لـ"الوطن": "كلهم لازم يتحاكموا اللي راحوا دول مكنوش كلاب، وابني كان من أحسن الناس كان حافظ القرآن ومعاه بكالريوس تجارة، ولو طلعوهم براءة هحس ساعتها إن مصطفى مات، ولو عدموهم هحس إن ابني خد حقه في الدنيا زي ما أكيد ربنا هيجبهوله في الآخرة".
واستطردت: "اللي راحوا كلهم شهداء وأنا احتسبت ابني شهيد، لكن كل اللي قتلوا ولادنا هيموتوا مقتولين ودا القصاص اللي لازم نشوفه بعنينا".