نصيحة طلاب «طب الإسكندرية» لمتفوقى الثانوية العامة: «انفد بجلدك»
دشّن طلاب كلية طب جامعة الإسكندرية، أمس الأربعاء، حملة تحت عنوان «علشان لما يدخلوا طب ما يتفاجئوش» لتعريف خريجى الثانوية العامة، الذين يرغبون فى الالتحاق بالكلية هذا العام بأوضاع الكلية، تضمنت رأى الطلاب والأساتذة فى الدراسة، وما سيواجهونه خلال المرحلة المقبلة، تحت شعار «انفد بجلدك، انت لسه على البر». وحاول الطلاب من خلال الصفحة الرسمية للحملة إبراز كل السلبيات والإيجابيات المتعلقة بدراسة الطب، خاصة فى جامعة الإسكندرية، وعقد مقارنات دائمة مع الدراسة فى كليتى طب الأسنان والصيدلة.
قال حسام سعيد، أحد الطلاب: «باقول لطالب الثانوية العامة أنا عايزك تحط فى دماغك أن كلية الطب هتبقى بعد كام سنة مالهاش أى قيمة وأى حد بيدخلها، وهتبقى من 50% أو 60%، والطلبة مش هيدخلوها من كتر ما مجموعها قليل، وكمان صعبة جداً فى الدراسة، ببساطة بقيت كلية زى أى كلية».
بينما يقول الطالب محمد باهر: «الحملة دشّنها عدد من طلاب طب علشان يبرزوا السلبيات والإيجابيات فى الكلية لطلاب الثانوية العامة، ويعرفوا الطلاب الواقع اللى حيقابلوه قبل ما تبدأ الدراسة».