م الآخر| "مصطفى الأبيض" بعد يوم الإمتحان "الأسود"
-انا حييتك من تاني.. فهلوي زيك كانت روحه طلعت من ياما
-والمادة لما اشيلها واسقط مش طلعة روح برضو؟!.. مدام كده طلعة روح وكدة طلعت روح يبقى انا ونصيبي بقى
- مفيش كلام.. بس النجاح في المادة دي صنعة وبالأصول وانت اللي عملته في ورقة الاجابة ده يعني من غير مؤاخذة، يعني لا انا شايف فيه صنعة ولا هوّب من الاصول، ده مستوى حل "انك لميت وانهم لميتون".
- المعيد ده ادانا 500 مسألة مجاش منها ولا حاجة في الامتحان.. وعشان تبعك بلعناها اكراما لمقامك وتقلنا عليه.. يرضيك يسقطنا في اعمال السنة؟؟!!
-انت راجل بصحيح .. قلب ميت لكن اخضر .. انا بتوصلني اخبارك.. الجرأة حلوة.. الجرأة حلوة مفيش كلام.. بس زي ما المعيد الله يرحمه ما كان بيقول ياروح ما بعدك روح .. انا ياما سقطت زيك واجمد منك كمان كانوا عاملين 100 راجل في بعض.. هات ملزمة المراجعة دي.
- اتفضل
- انت فديت نفسك بيها.. انت هتشتغل معايا.. وهديك درجات اكتر من اللي كنت بتاخدها 3 مرات.
- ماشي ..بس انا مش بطولي
-ايه؟!.. الفوريّجي؟!!.. هههههههههههههههه... هاته معاك.. تعالى يا مصطفى تعالى متخافش.. انا عارف ان دماغك جالها خرم من المادة دي ..هكبسهالك بن موقتا.. تعالى قرب.. بعد كده فتيلة تعوصها سبرتو وبودرة سلفا وحبة شيلر من عند العطار وتلف عليها صوفة والمغربية تشيلها.. ماشي؟
- حاضر يا سيد الناس
- مع السلامة يا مصطفى، مع السلامة